თითოეულ ერს, რომელსაც ისტორიულად უცხოვრია და კულტურული ზრდისა და განვითარების გარკვეულ საფეხურამდე მიუღწევია, თავისი საკუთარი მწერლობა შეუქმნია. მწერლობა, რომელშიაც ამა თუ იმ ერის აზრები, ფიქრები, გრძნობანი და განცდანი აღბეჭდილა. სწორედ ასეთია უმდიდრესი ქართული ლიტერატურა, რომლის სათავესთან ამაყად დგას ჩვენამდე მოღწეული პირველი ჰაგიოგრაფიული თხზულება – იაკობ ცურტაველის „წამებაი წმინდისა შუშანიკის დედოფლისაი“.

X ა კლასის მოსწავლეებმა გააცოცხლეს პირველი ლიტერატურული ნაწარმოების გმირები და თავიანთი შთამბეჭდავი წარმოდგენით გვამოგზაურეს მეხუთე საუკუნის მეორე ნახევარში.

პედაგოგები: ქრისტინე კიკალიშვილი და ია ქაჯაია