“მარი ბროსეს სკოლაში” გაიხსნა ლიტერატურული კლუბი, რომლის მიზანია მოზარდებში ლიტერატურის პოპულარიზაცია, წიგნის კითხვის ინტერესის გაღვივება.

ერთად წავიკითხავთ, როგორც თანამედროვე, ისე იმ უმთავრესი ტექსტების ნაწილს, რომელთა გარეშეც მსოფლიო ლიტერატურის არსებობა შეუძლებელია.

კლუბი პერიოდულად გამართავს შეხვედრებს მოწვეულ სტუმრებთან; წავიკითხავთ და ჩვენებურად გავიაზრებთ კონკრეტულ ლიტერატურულ ნაწარმოებს; ვისაუბრებთ საინტერესო თემებზე; გავიცნობთ და წავახალისებთ შემოქმედ ბავშვებს.

ვისაც წიგნის კითხვა და ფიქრი უყვარს, ველით.