ნინია ანანიაშვილი უნგრეთში, ბუდაპეშტის ეკონომიკისა და ბიზნესის უნივერსიტეტში საერთაშორისო ეკონომიკის ფაკულტეტზე სრული დაფინანსებით ჩაირიცხა! უნივერსიტეტი დაარსდა 1857 წელს, ეს იყო პირველი ბიზნეს სკოლა ავსტრია-უნგრეთსა და ცენტრალურ ევროპაში. იგი უნგრეთში უდიდესი, ხოლო მსოფლიოში სიძველით მეორე არსებული ბიზნეს სკოლაა ESCP Europe-ის შემდეგ. უნივერსიტეტი აერთიანებს სამ ფაკულტეტს და აძლევს სტუდენტებს შესაძლებლობას ისწავლონ ბიზნესის ადმინისტრირება, საერთაშორისო ეკონომიკა, ფინანსები, მარკეტინგი, ტურიზმი და მასპინძლობის მენეჯმენტი.

„ანი-Zet“-ის 2025 წლის კურსდამთავრებული დავით ჭაჭიაშვილი სწავლას გერმანიაში აგრძელებს — იგი დრეზდენის ტექნიკური უნივერსიტეტის (TU Dresden) დაფინანსებით ჩაირიცხა კერძო სტუდიენკოლეგში TUDIAS, სადაც ერთწლიან მოსამზადებელ პროგრამას სრულიად უფასოდ გაივლის!

TUDIAS არის დრეზდენში მდებარე კერძო საგანმანათლებლო დაწესებულება, რომელიც მჭიდროდ თანამშრომლობს TU Dresden-თან და ამზადებს უცხოელ სტუდენტებს გერმანულ უნივერსიტეტებში სწავლისთვის. პროგრამის წარმატებით დასრულების შემდეგ, დავითი სწავლას გააგრძელებს TU Dresden-ის ეკონომიკისა და მენეჯმენტის ფაკულტეტზე (Wirtschaftswissenschaften), რომელიც გერმანიის ერთ-ერთ წამყვან უნივერსიტეტად ითვლება.

სანდრო ლომჯარია – წარმატებულად გაიარა კონკურსი Stipendium Hungaricum და სწავლის სრული დაფინანსება მოიპოვა ბუდაპეშტის კორვინუსის უნივერსიტეტის (Corvinus University Budapest) საერთაშორისო ურთიერთობების საბაკალავრო პროგრამაზე სასწავლებლად.

ნინი ბაღდავაძე ჩაირიცხა გერმანიაში, ქალაქ კილში მდებარე გამოყენებითი მეცნიერებების უნივერსიტეტიში.

FH Kiel წარმოადგენს ერთ-ერთ წამყვან გამოყენებით უნივერსიტეტს გერმანიაში. იგი გამოირჩევა მაღალი ხარისხის პრაქტიკული სწავლებით, ინოვაციური ტექნოლოგიებით და ძლიერი საერთაშორისო კავშირებით.

ნინიმ მოიპოვა 80% დაფინანსება.

სკოლის დირექცია ულოცავს ჩვენ კურსდამთავრებულებს და შემდგომ წარმატებებს უსურვებს მათ!